28 January 2022

గ్రీజు ఫ్యాక్టరీ

 కొన్ని సంవత్సరాల క్రితము పాస్టర్ స్టాంటన్ గారు ఒక గ్రీజు ఫ్యాక్టరీని దర్శించారు . ఆ ఫ్యాక్టరీలో అత్యంత నాణ్యమైన గ్రీజును తయారు చేస్తారని అతని స్నేహితుడు చెప్పుట వలన స్టాంటన్ గారు ఆ ఫ్యాక్టరీని దర్శించుటకు వెళ్లారు . ఫ్యాక్టరీ గైడ్ స్టాంటన్ గారికి గ్రీజు ఫ్యాక్టరీ అంతటిని తిప్పి చూపించారు . పెద్ద పెద్ద మిషన్లు గ్రీజును ఉత్పత్తి చేస్తున్నవి . పెద్ద పెద్ద చక్రములు అవిశ్రాంతంగా పరిభ్రమిస్తూ ఉన్నవి . ఫ్యాక్టరీ అంతా చూసిన తరువాత స్టాంటన్ గారు “ ఈ గ్రీజును ఎలా ఎగుమతి చేస్తారు ? " అని అడిగారు . అందుకు ఆ ఫ్యాక్టరీ గైడ్ " మేము ఉత్పత్తి చేసిన గ్రీజు అంతటిని మా మిషన్లు సాఫీగా నడుచుటకు ఉపయోగిస్తుంటాము ” అన్నాడు . పాస్టర్ స్టాంటన్ గారు ఆశ్చర్యపోయారు . వారు ఉత్పత్తి చేసే గ్రీజు అంతటిని మిషన్లు సాఫీగా నడుచుటకు ఉపయోగిస్తున్నారు . అలాగే మన సంఘములు కూడా నేడు ఉ న్నవి . సంఘము ఇతరులకు యేసు ప్రభువును పరిచయం చేయుటకు , ఇతరులను క్రీస్తు వద్దకు నడిపించుటకు , సర్వలోకమునకు వెళ్లి సర్వ సృష్టికి సువార్తను ప్రకటించుటకు ఉద్దేశించబడినవి . కానీ సంవత్సరాల తరబడి సంఘము అభివృద్ధి చెందకుండా ఉన్నది . కొన్ని సంఘముల వారు ఇతర సంఘములోని విశ్వాసులను దొంగిలించి తమ సంఘము యొక్క సంఖ్యను పెంచుకొనుచున్నారు . కానీ యేసు ప్రభువును ప్రచురము చేయడము లేదు . గ్రీజు ఫ్యాక్టరీలో తయారైన గ్రీజు ఆ ఫ్యాక్టరీలోని మిషన్లు సాఫీగా నడుచుటకు ఉపయోగించిన యెడల ఏమి లాభము ? మీలో ప్రతివాడును తన సొంత కార్యములను మాత్రమే కాక యితరుల కార్యములను కూడ చూడవలెను . క్రీస్తుయేసునకు కలిగిన ఈ మనస్సు మీరును కలిగియుండుడి ( ఫిలిప్పీ 4 : 5 ) . - డా || పి.బి. మనోహర్ , 98483 63638