15 November 2014

దొంగ చాటుగా

� నేనే మార్గమును, సత్యమును, జీవమునై యున్నాను. నా ద్వారానే తప్ప యెవడును తండ్రి యొద్దకు రాడు.�

�1985 జనవరి 11వ తేదీన లాస్ఏంజిల్స్ ఎయిర్ పోర్ట్ లో కస్టమ్స్ అధికారులు ఒక పెద్ద సూట్ కేసును కనుగొన్నారు. దానిని తెరచినప్పుడు దానిలో ఒక యువతి మృత దేహము ఉన్నది. ఆమె దుస్తులపై ఉన్న లాండ్రీ మార్కుల ద్వారా పోలీసులు దర్యాప్తు జరిపి ఆమె అమెరికాలో నివసిస్తున్న ఒక ఇరాన్ దేశస్థుని భార్య అని కనుగొన్నారు. ఆమె పేరు కాటున్ సఫి. [Kataun Safaie] వయస్సు 20 సంవత్సరములు. ఆమె భర్త�పేరు మహమ్మద్�అయాజీ [Mahmoud Ayazi]� � � � � � ఆమెకు వీసా లభించనందు వలన తన భర్తను చేరుకొనుటకు తనను తానే ఒక సూట్ కేసులో పెట్టుకుని కార్గో విమానంలో దొంగ చాటుగా అమెరికా చేరాలని ప్లాన్ వేసింది. ఆమె ప్లాన్ వికటించి ఆ ప్రయత్నంలో ఆమె�మరణించింది. ఆమె మరణించినదని తెలిసికొన్న ఆమె భర్త ఆత్మహత్య చేసుకొన్నాడు. సూట్ కేసులో రెండు రోజులు ఉండగలిగినను దొంగ�చాటుగాఅమెరికాలో ప్రవేశించుటలో విజయం సాధించగలనని ఆమె ఎలా అనుకున్నదో ! అని అధికారము విస్తుపోయిరి.

�� � � � � � �ఆమె దొంగ చాటుగా అమెరికా చేరగలనని ఎట్లు అనుకున్నదో అట్లే అనేకులు తమ సొంత పద్దతుల ద్వారా పరలోకం చేరగలమని తలంచుచున్నారు. తాము మంచి వారమనీ, ఎవరికి కీడు చేయుట లేదనీ, చర్చికి క్రమముగా వెల్లుచున్నామనీ అందువలన తాము పరలోకమునకు వెల్లుదుమని తలంచుచున్నారు. దొంగ చాటుగా సూట్ కేసులో అమెరికా చేరుట ఎంత కష్టమో మన సత్క్రియల వలన పరలోక రాజ్యం చేరుదుమని అనుకొనుట కూడ అంతే మూర్ఖత్వము.�