30 August 2014

ఆగస్టు 30 రెవ.పి.ఎం.శామ్యూల్‌ :

పెంతుకొస్తు సంఘము మలబారుకు చెందిన రెవ.పి.ఎమ్‌.శామ్యూల్‌గారు అనేక ప్రాంతములలో ముఖ్యంగా తీర ప్రాంతాల్లో సంచరించి, ప్రభుని సందేశాన్ని ధైర్యంగా ప్రకటించి 1932లో ఆంధ్ర ప్రాంతములో ఈ సంఘానికి పునాది వేసిరి. వీరు భారతదేశపు మలబారు ప్రాంతమునకు సంబంధించిన అతి పురాతన సిరియా సంఘమునకు చెందినవారు. వీరు కేరళలో 1903 జులై 1వ తేదీన జన్మించిరి. 1932లో పెంతుకొస్తు సంఘము నేర్పరచనుద్దేశమును వ్యక్తపరచిరి. ఒక మిత్రుని సహకారంతో శ్రీలంకలో జరిగిన లూనాన్‌లో పెంతుకొస్తు సభలో పాల్గొనిరి. దేవుని దర్శనం ప్రకారం తెలుగు ప్రాంతానికి వచ్చి సేవ జరిగించిరి. ఈయన ఆంధ్రలో అనేక ప్రదేశాలలో సువార్త ప్రకటించి వందల సంఖ్యలో సంఘాలు స్థాపించారు. 1947లో స్వీడన్‌ రాజధాని నిస్టాన్‌ హమ్‌ నగరంలో ప్రసంగించిరి. తరువాత బర్మా, సింగపూర్‌, నార్వే, డెన్మార్క్‌, జపాన్‌, హలెండ్‌, ఆఫ్రికా, ఫ్రాన్స్‌ మొదలగు దేశాలలో సువార్త ప్రకటించిరి. ఆంధ్రప్రదేశ్‌ ఇండియా పెంతుకొస్తు సంస్థ అధ్యకక్షులుగా వీరు నిర్విరామకృషి చేసిరి. ఎన్నో ఉజ్జీవ సభలు ఏర్పాటు చేసి అనేకవేల ఆత్మలను రక్షించారు.