25 February 2022

హార్బర్ మాష్టర్

 దేవుని ఆత్మచేత ఎందరు నడిపింపబడుదురో వారందరు దేవుని కుమారులై యుందురు ( రోమా 8:14 ) . ఒక పెద్ద ఓడ తీరమును సమీపించుటకు కొన్ని జాగ్రత్తలు తీసుకొనవలెను . ఓడ వచ్చుచుండగా హార్బర్ మాస్టర్ అను ఉద్యోగి చిన్న పడవలో ఆ ఓడను ఎదుర్కొనుటకు వెళ్లును . హార్బర్ మాష్టర్ ఓడను ఎక్కి ఓడను క్షేమముగా రేవుకు ( హార్బర్ ) నడిపించును . హార్బర్ మాస్టర్కు సముద్రము ఎక్కడ ఎంత లోతుగా ఉ న్నదో తెలియును . గాలి ఏ దిశలో వీచుచున్నదో , ఎంత బలంగా వీచుచున్నదో అతనికి తెలియును . ఓడ కెప్టెన్ చుక్కాని వద్ద కూర్చుండి హార్బర్ మాస్టర్ చెప్పినట్లు ఓడను నడిపించును . ఓడను క్షేమముగా హార్బర్కు నడిపించుటకు హార్బర్ మాస్టర్ ముఖ్య పాత్ర వహించును . మన జీవితము అనే సముద్రములో ప్రయాణించునప్పుడు మనకు ఒక హార్బర్ మాష్టర్ ఇవ్వబడినారు . ఆయన పేరు పరిశుద్ధ ఆత్మ . ఆయనకు ఎక్కడ ప్రవాహము వేగముగా ఉండునో , ఎక్కడ కెరటములు వచ్చునో , ఎక్కడ ప్రమాదము ఉన్నదో తెలియును . మనము ఆయనకు లోబడినచో ఆయన క్షేమముగా ఈ లోకము నుండి పరలోకమనే హార్బర్కు మనలను చేర్చును . అట్టి మార్గదర్శకుడు మన అందరికి కావలెను . మనము ఆత్మననుసరించి జీవించువారమైతిమా ఆత్మననుసరించి క్రమముగా నడచుకొందము ( గలతీ 5:25 ) . -డా || పి.బి.మనోహర్ , 9848363638