31 July 2026

తిరస్కరించబడినవాడి నుండి దేవుని కుటుంబ సభ్యునిగా

రాము అనే యువకుడు ఒక చిన్న గ్రామంలో జీవించేవాడు.
యేసుక్రీస్తును తన రక్షకునిగా అంగీకరించిన తర్వాత అతని జీవితం పూర్తిగా మారిపోయింది.
అయితే ఆ మార్పును అతని కుటుంబ సభ్యులు అంగీకరించలేదు.
"నువ్వు ఇక మా ఇంటివాడివి కాదు" అని కోపంతో ఇంటి నుండి వెళ్లగొట్టారు.
స్నేహితులు కూడా అతనిని దూరం పెట్టారు.
ఒంటరిగా నిలబడ్డ రాము హృదయం బాధతో నిండిపోయింది.
ఒక రోజు చర్చిలో పాస్టర్ యెషయా 56:5 వచనాన్ని చదివాడు: "నా యింటను నా ప్రాకారములలోను ఒక భాగమును వారికిచ్చెదను...
కొట్టివేయబడని నిత్యమైన పేరు వారికి పెట్టుచున్నాను.
" ఆ మాటలు రాము హృదయంలో ఆశను నింపాయి.
"మనుష్యులు నన్ను తిరస్కరించినా, దేవుడు నన్ను తన కుటుంబ సభ్యునిగా అంగీకరించాడు" అని అతడు గ్రహించాడు.
ఆ రోజు నుండి రాము తన బాధపై కాకుండా దేవుని ప్రేమపై దృష్టి పెట్టాడు.
ప్రతిరోజూ ప్రార్థనలో గడిపి, ఇతరులకు సహాయం చేస్తూ, దేవుని ప్రేమను పంచసాగాడు.
కొంతకాలానికి అతని జీవితంలో వచ్చిన శాంతి, ఆనందం చూసి గ్రామస్తులు ఆశ్చర్యపోయారు.
ఒకప్పుడు అతన్ని దూరం పెట్టిన వారే ఇప్పుడు అతని దగ్గరకు వచ్చి, "నీ జీవితంలో ఈ మార్పుకు కారణం ఏమిటి?" అని అడిగారు.
అప్పుడు రాము చిరునవ్వుతో, "నన్ను ప్రపంచం తిరస్కరించినప్పుడు దేవుడు నన్ను తన కుటుంబంలో చేర్చుకున్నాడు" అని సాక్ష్యం చెప్పాడు.
ఈ కథ మనకు ఒక గొప్ప సత్యాన్ని గుర్తుచేస్తుంది.
క్రీస్తును అనుసరించడం వల్ల కొన్నిసార్లు మనుష్యుల తిరస్కారాన్ని ఎదుర్కోవలసి రావచ్చు.
కానీ దేవుడు తనను ప్రేమించి, తన ఒడంబడికను గట్టిగా పట్టుకునే వారిని ఎన్నటికీ విడిచిపెట్టడు.
ఆయన మనకు తన కుటుంబంలో స్థానం, నిత్యమైన పేరు, మరియు ఎప్పటికీ కొట్టివేయబడని వారసత్వాన్ని అనుగ్రహిస్తాడు.
యెషయా 56:5 నా యింటను నా ప్రాకారములలోను ఒక భాగ మును వారికిచ్చెదను కొడుకులు కూతుళ్లు అని యనిపించుకొనుటకంటె శ్రేష్ఠమైన పేరు వారికి పెట్టుచున్నాను కొట్టివేయబడని నిత్యమైన పేరు వారికి పెట్టుచున్నాను దేవుడు మూడు విషయాలను వాగ్దానం చేస్తున్నాడు- తనను సంతోషపెట్టి, తన ఒడంబడికను గట్టిగా పట్టుకున్న వారికి సహాయం, అంగీకారం మరియు ఓదార్పు.
ఈ మహిమాన్వితమైన అవకాశం కేవలం ఇశ్రాయేలీయులకే కాదు కాని, ప్రజలందరికీ కూడా విస్తరింపజేయబడుతుంది.
మనము ఇశ్రాయేలీయులము కాకపోయినప్పటికీ క్రీస్తును అంగీకరించిన మనము ఇప్పుడు ఆయన కుటుంబములో సభ్యులమైపోయాము.
ఆయన కుటుంబములో, ఒకరు ఎక్కువ తక్కువ అనే బేధాలు ఉండవు.
అందరూ సమానమే.
ఈరోజు మనము క్రీస్తును తెలుసుకోవడం వలన మన కుటుంబ సభ్యులు లేదా స్నేహితులు లేదా ఎవరైనా మనల్ని నిషేధించినట్లయితే.
దేవుడు మన పక్షాన ఉన్నాడని మరచిపోవద్దు.
ఆయన మనతోనే ఉంటూ తన భవిష్యత్ ప్రణాళికతో కూడిన పరలోక కుటుంబంలో కూడా మనకు సభ్యత్వాన్ని ఇస్తున్నాడు.
మనము దేవుని కుటుంబానికి చెందినవారము.
నీ దైనందిన జీవితంలో ఆ దేవుని రాజ్యాన్ని ఇక్కడే అనుభవించడం ప్రారంభించు.
నీవు జీవించే ప్రతి రోజు ప్రభువు రక్షణ హస్తము నీ చుట్టూ ఉండును గాక.
ఆమెన్