25 October 2015

బింకములాడు నాలుక

దోషము చేయువారందరు బింకము లాడుచున్నారు. కీర్తనలు 94 : 4

అనేకులు గొప్పలు చెప్పుకొందురు. తాము ఎంతో అధికులమని ఇతరులు అనుకొనవలెనని వారి ఆలోచన. వినువారు వారి మాటలలోని అబద్ధమును తేలికగా గ్రహించగలరు. అయినను వారు బింకములాడుట మానరు. మూడు ఎలుకలు కూర్చుని తమ బలపరాక్రమములను గురించి గొప్పలు చెప్పుకొనుచున్నవి. ఒక ఎలుక 'నాకు చాల బలము ఉన్నది. నన్ను చంపాలని మా ఇంటి యజమాని ఒక కిలో ఎలుకల మందు పెట్టాడు. అదంతా తిన్నా నాకేమీ కాలేదు' అన్నది. రెండవ ఎలుక 'నేనొకసారి బోనులో చిక్కుకున్నాను. ఆ ఇనుప తీగెలను నానోటితో కొరికి తప్పించుకొని వచ్చేసాను' అన్నది. మూడవ ఎలుక 'నేను తర్వాత కలుస్తాను. ఇప్పుడు వెళ్ళి నా పెంపుడు పిల్లితో ఆడుకోవాలి' అన్నది. మనము బింకములు ఆడరాదు. (లేని గొప్పలు చెప్పుకొనకూడదు)

?యెహోవా ఇచ్చకములాడు పెదవులన్నిటిని బింకములాడు నాలుకలన్నిటిని కోసివేయును. - కీర్తనలు 12 : 3 - డా||పి.బి.మనోహర్‌