06 June 2014

ప్రార్ధన

  ప్రార్ధన అంటే యేసుతో మాట్లాడడం.

ప్రార్ధన అంటే సంపూర్ణ విధేయతతో ప్రభువును, రక్షకుడునైన యేసుక్రీస్తు మధ్యవర్తిత్వం ద్వారా నీతియుక్తమైన అవసరతల కోసం మన విన్నపాలు దేవునికి సమర్పించడం. ప్రార్ధన అంటే యేసుక్రీస్తు ద్వారా పరిశుద్ధాత్మ శక్తితో తండ్రికి ఆపాదించిన ఆరాధన' - డాక్టర్‌ హెచ్‌.డబ్ల్యు.ఫ్రాష్ట్‌, 'ప్రార్ధన అంటే మానవుని ఆత్మ దేవునితో మాట్లాడడం'.

ప్రార్ధన నాలుగు విషయాలతో కూడి ఉండాలి - క్రియలు - క్రియలు అనేమాట గుర్తుంచుకోండి.

ఆరాధించడం (పూజించడం) - ఇది దేవునికి ఆత్మ చేసే స్తుతి, ఆరాధన, కీర్తన 95:6.

పాపపు ఒప్పుకోలు - తెలిసిన ప్రతి పాపాన్ని గురించి పశ్చాత్తాపపడడం. కీర్తన 32:5.

కృతజ్ఞతలు చెల్లించడం - ఫిలిప్పీ 4:6, అన్ని విషయాల్లో, ఏ విషయానికైనా స్తుతులు చెల్లించడం.

విజ్ఞాపన చేయడం - విజ్ఞాపనలు, ప్రార్ధనలు, యాచనలు, కృతజ్ఞతాస్తుతులు, 1తిమోతి 2:1.

మన ప్రార్ధనలు దేవునికి చేరాలి, అపొ.కా.12:5. యేసుక్రీస్తు నామంలో చేయాలి, యోహాను 14:13. పరిశుద్ధాత్మ శక్తి ద్వారా ప్రార్ధన చేయాలి, ఎఫెసీ 6:18.

1. ప్రార్ధన ఎక్కడ చేయాలి Where to Pray

1. ప్రతీచోట. 1తిమోతి 2:8, 'కావున ప్రతి స్థలమందును పురుషులు ... ప్రార్ధన చేయవలెను.'

2. రహస్య స్థలంలో. మత్తయి 6:6, 'నీవు ప్రార్ధన చేయునప్పుడు నీ గదిలోనికి వెళ్లి తలుపువేసి, రహస్యమందున్న నీ తండ్రికి ప్రార్ధన చేయుము. అప్పుడు రహస్యమందు చూచు నీ తండ్రి నీకు ప్రతిఫలమిచ్చును.'

3. దేవాలయంలో (చర్చి). లూకా 18:10, 'ప్రార్ధన చేయుటకై ఇద్దరు మనుష్యులు దేవాలయమునకు వెళ్ళిరి.'

కీర్తన 26:12, గొప్ప సమాజం ఎదుట ప్రార్ధన చేయడం. 1రాజులు 8:22-53 లో సొలొమోను. రహస్య ప్రార్ధన రహస్య స్థలంలో చేయాలి. కుటుంబ ప్రార్ధన చిన్న గుంపు మధ్యలో చేయాలి. బహిరంగ ప్రార్ధన సమాజం ఎదుట చేయాలి.

2. ప్రార్ధన ఎప్పుడు చేయాలి When to Pray

1. నిత్యమూ. లూకా 18:1, 'మనుష్యులు ప్రార్ధన చేయుచుండవలెను.' 1థెస్స 5:17, 'యెడతెగక ప్రార్ధన చేయవలెను.'

2. ఉదయకాలం. కీర్తన 5:3, 'యెహోవా, ఉదయమున నా కంఠస్వరము నీకు వినబడెను, ఉదయమున నా ప్రార్ధన నీ సన్నిధికి సిద్ధము చేసికొనికొందును.'

3. మధ్యాహ్నం, సాయంత్రం. కీర్తన 55:17, 'సాయంత్రమున, ఉదయమున, మధ్యాహ్నమున ధ్యానించుచు మొఱ్ఱపెట్టుచున్నాను.'

4. ప్రతిరోజూ. కీర్తన 86:3, 'ప్రభువా దినమెల్ల నీకు మొఱ్ఱపెట్టుచున్నాను, నన్ను కరుణింపుము.'

5. రాత్రి, పగలు. కీర్తన 88:1, 'యెహోవా, నా రక్షణకర్తవగు దేవా, రాత్రివేళ నీ సన్నిధిని మొఱ్ఱపెట్టుచున్నాను.' దానియేలు రోజుకు మూడుసార్లు ప్రార్ధన చేశాడు, దాని 6:10.

3. ప్రార్ధనలో ఉండవలసిన విషయాలు Subjects to Pray

 1. మత్తయి 6:9-13, (ప్రభువు నేర్పిన ప్రార్ధన) - ప్రభువు రెండవ రాకడ, దేవుని చిత్తం నెరవేర్చబడడం, అనుదిన ఆహారం, పాప క్షమాపణ, నడిపింపు, శోధనలపై, పాపంపై విజయం.

2. యాకోబు 5:13-16, రోగుల కోసం

3. 1తిమోతి 2:1-14, మనుషులందరి కోసం, రాజులు, అధికారుల కోసం

4. యెషయా 38:1-5, దీర్ఘాయువు కోసం

5. దాని 6:18-23, వ్యక్తిగత భద్రత, ఇతరుల భద్రత కోసం

6. 1రాజులు 3:5-9, జ్ఞానం, వివేచన కోసం

7. మత్తయి 6:25-34, వస్త్రాలు, ఇల్లు, ఆహారం కోసం

8. రోమా 1:10, క్షేమకరమైన ప్రయాణం కోసం

9. కొలస్సీ 1:28, ప్రతి క్రైస్తవ విశ్వాసీ క్రీస్తులో సంపూర్ణులు కావడం కోసం

10. మత్తయి 5:38-48, నిన్ను ద్వేషించేవారి కోసం, హింసించేవారి కోసం, మీ విరోధుల కోసం

11. 1తిమోతి 5:17, సంఘంలో నీ పైవారి కొరకు

4. ప్రార్ధన ఎలా చేయాలి How to Pray

1. మనం పరిశుద్ధాత్మచే నడిపింపబడాలి. రోమా 8:26,27,

'.....మనము యుక్తముగా ఏలాగు ప్రార్ధన చేయవలెనో మనకు తెలియదు గానీ ఉచ్ఛరింపశక్యము గాని మూలుగులతో ఆ ఆత్మ తానే మన పక్షముగా విజ్ఞాపనములు చేయుచున్నాడు. మరియు హృదయములను పరిశోధించువాడు ఆత్మ యొక్క మనస్సు ఏదో ఎరుగును. ఏలయనగా ఆయన దేవుని చిత్తప్రకారము పరిశుద్ధుల కొరకు విజ్ఞాపనము చేయుచున్నాడు.'

2. దేవుని ఉనికిలో నమ్మకంతో ప్రార్ధన చేయాలి. హెబ్రీ 11:6, 'విశ్వాసము లేకుండా దేవునికి ఇష్టులైయుండుట అసాధ్యము; దేవుని యొద్దకు వచ్చువాడు ఆయన యున్నాడనియు, తన్ను వెదకువారికి ఫలము దయచేయుచున్నాడనియు నమ్మవలెను గదా.'

3. విశ్వాసంతో చేసే ప్రార్ధనకు ఆయన జవాబు దయచేస్తాడని నమ్మాలి. హెబ్రీ 11:6, '....తన్ను వెదకువారికి ఫలము దయచేయువాడు.'

4. ప్రార్ధనలో పట్టుదల ఉండాలి. లూకా 18:1-8, పట్టుదలతో ప్రార్ధన చేసిన స్త్రీ ఫలితం పొందుతుంది. లూకా 11:1-3, పట్టుదలతో తలుపు తట్టినవాడు ఆహారము (రొట్టె) ను పొందాడు.'

5. తగ్గింపు హృదయంతో ప్రార్ధించాలి. 2దిన 7:14, 'నా పేరు పెట్టబడిన నా జనులు, తమ్మును తాము తగ్గించుకొని ప్రార్ధన చేసి నన్ను వెదకి ...'

6. మన పాపాల విషయమై పశ్చాత్తాపపడేందుకు సిద్ధపడాలి. 2దిన 7:14, '..... వారు తమ చెడు మార్గములను విడిచిన యెడల ....'

5. ప్రార్ధన విషయంలో అనుసరించాల్సిన షరతులుConditions of Prayer

1. దేవుని చిత్తంలో ప్రార్ధించాలి. రోమా 8:27, (4వ భాగంలో ఉదహరించబడింది) మత్తయి 26:39, యేసు ఇలా ప్రార్ధించాడు, '... అయినను నా యిష్ట ప్రకారము కాదు, నీ చిత్త ప్రకారమే కానిమ్ము.'

2. ప్రభువు మన అపరాధాలను క్షమించి, మన ప్రార్ధనలకు జవాబు ఇచ్చే ముందు ఇతరుల అపరాధాలను మనం క్షమించాలి. మార్కు 11:25, 'మీరు నిలువబడి ప్రార్ధన చేయునప్పుడెల్లను మీ విరోధులను క్షమించుడి.'

3. విశ్వాసంతో, నమ్మకంతో ప్రార్ధించాలి. మార్కు 11:24, 'ప్రార్ధన చేయునప్పుడు మీరు అడుగుచున్న వాటినెల్లను పొందియున్నామని నమ్ముడి.' యాకోబు 1:6,7, 'అయితే అతడు ఏమాత్రమును సందేహింపక విశ్వాసముతో అడుగవలెను. సందేహించువాడు గాలిచేత రేపబడి యెగిరిపడు సముద్ర తరంగములను పోలియుండును.'

4. ఆయన ఆజ్ఞలు పాటించాలి. 1యోహాను 3:22, 'మరియు మనమాయన ఆజ్ఞలను గైకొనుచు ఆయన దృష్టికి ఇష్టమైనవి చేయుచున్నాము గనుక మనమేమి అడిగినను అది ఆయన వలన మనకు దొరకును.'

5. క్రీస్తునందు నిలిచియుండాలి. యోహాను 15:7, 'నాయందు మీరును మీయందు నా మాటలును నిలిచియుండిన యెడల మీకేది యిష్టమో