08 August 2026

జూలియా హారియెట్ జాన్స్టన్ (1849–1919)

జూలియా హారియెట్ జాన్స్టన్ (Julia Harriet Johnston) 1849 జనవరి 21న అమెరికాలో జన్మించారు.
ఆమె తండ్రి ప్రెస్బిటేరియన్ సంఘంలో పాస్టర్‌గా సేవచేయగా, చిన్ననాటి నుంచే జూలియాలో దేవుని పట్ల గాఢమైన ప్రేమ, సేవాభావం పెంపొందాయి.
ఆమె తన సంఘంలో సుమారు నలభై సంవత్సరాలపాటు ఆదివారం పాఠశాల (Sunday School) సేవలో నిబద్ధతతో పనిచేస్తూ అనేకమంది పిల్లలకు దేవుని వాక్యాన్ని బోధించి, క్రీస్తు మార్గంలో నడిపించారు.
అలాగే ప్రెస్బిటేరియన్ మిషనరీ సొసైటీలో దాదాపు ఇరవై సంవత్సరాలు అధ్యక్షురాలిగా సేవలందించి, సువార్త వ్యాప్తికి విశేషంగా కృషి చేశారు.
ఆమె 500కు పైగా క్రైస్తవ కీర్తనలు రచించారు.
వాటిలో ప్రపంచవ్యాప్తంగా ప్రసిద్ధి చెందిన "Grace Greater Than Our Sin" అనే కీర్తన ప్రత్యేక స్థానం పొందింది.
అంతేకాకుండా David C.
Cook Publications కోసం అనేక ఆధ్యాత్మిక వ్యాసాలు రచించి, సువార్త సందేశాన్ని వేలాది మంది పాఠకులకు చేరవేశారు.
తన రచనలు, సంగీత పరిచర్య, పిల్లల ఆత్మీయ శిక్షణ, మిషనరీ సేవల ద్వారా అనేకమందిని క్రీస్తు వైపు నడిపించిన జూలియా హారియెట్ జాన్స్టన్ జీవితం విశ్వాసం, సేవ, సాహిత్య పరిచర్యకు ఆదర్శంగా నేటికీ నిలిచివుంది.