04 February 2022

గొప్ప చేపలు

సీమోను పేతురు దోనె ఎక్కివలను దరికి లాగెను ; అది నూట ఏబది మూడు గొప్ప చేపలతో నిండియుండెను ( యోహాను 21:11 ) . యేసు ప్రభువు పునరుత్థానుడు అయిన తరువాత తిబెరియ సముద్ర తీరమున మూడోసారి ప్రత్యక్షమైనప్పుడు ఆయన శిష్యులు 153 చేపలను పట్టుకొన్నారు . కొందరు బైబిల్ పండితులు 153 అను సంఖ్యలో ఏమైనా విశిష్టత ఉన్నదా అని పరిశీలించిరి . 5 వ శతాబ్దమునకు చెందిన జెరోమ్ ( D Jerome ) అను భక్తుడు సముద్రములో 153 రకములైన చేపలు ఉన్నవనియు , అలంకారముగా అన్ని జాతుల ప్రజలను ప్రభువు దగ్గరకు నడిపించాలని దేవుని ఉద్దేశము అని ఆయన అభిప్రాయము . మరొక భక్తుడు ప్రపంచములో 153 ప్రధానమైన భాషలు కలవని 153 చేపలు అనగా 153 భాషల వారికి సువార్తను అందజేయవలెనని దాని భావమని చెప్పారు . 5 వ శతాబ్దమునకు చెందిన అగస్టీన్ మనకు 10 ఆజ్ఞలు మరియు 7 దేవుని సంఖ్య ఈ రెండింటిని కలిపిన యెడల 17 వచ్చును . 1 + 2 + 3 + 4 + 5 + 6 + 7 + 8 + 9 + 10 + 11 + 12 + 13 + 14 + 15 + 16 + 17 చేపలను ఒక వరుసలోను దాని క్రింద 16 చేపలను దాని క్రింద 15 చేపలను ఆ విధముగా ఒకటి వరకు పటములో పేర్చిన విధముగా పేర్చినచో ఒక త్రిభుజము వచ్చును . ఆ త్రిభుజము త్రిత్వమును చూపించు చున్నది . చివరిగా 153 చేపలు ఉన్నవని యోహాను భక్తుడు ఎందుకు వ్రాసారు ? అని నన్ను ఎవరైనా అడిగితే నేను ఆ వలలో 153 చేపలు ఉన్నవి కనుక అని సమాధానము ఇస్తాను . - డా || పి.బి.మనోహర్ , 98483 63638