తాజా వార్త
ఘనముగా జరిగిన క్లాప్స్ సహవాస కూడిక
తూర్పు గోదావరి జిల్లా/16 September 2022 2022 సెప్టెంబర్ 10వ తేది శనివారం కాకినాడ జిల్లా, పెద్దాపురంలో అధ్యక్షులు రెవ.డా॥డి.పి.డి.కె.జార్జి మేషన్ ఆధ్వర్యములో క్లాప్స్ సహవాస కూడిక దేవునికి మహిమకరముగా జరిగింది. కోశాధికారి బ్రదర్ డి.ఎస్.పి.రావు వాక్యపఠనం చేయగా, జాయింట్ సెక్రటరీ రెవ.ఎమ్.సుధాకర్ ఆరాధనలో నడిపించిరి. అనంతరం రెవ.డా.బి.జాన్ బాబు శుభములు తెలిపారు. రెవ.డా॥ఎన్.భాస్కర్ రావు సాక్ష్యం తెలుపగా, రెవ.డా॥బి.విద్యాసాగర్ వాక్యసందేశము అందించారు. అనంతరం వారిని సన్మానించారు. క్లాప్స్ వ్యవస్థాపకులు, పెద్దాపురం రీజియన్ చైర్మన్ రెవ.డా॥పురుషోత్తందాస్ లంక మాట్లాడుతూ ఇంకా సభ్యత్వం కట్టని వారు సభ్యత్వం కట్టాలని, అది మన బాధ్యత అని తెలిపారు. కాకినాడ జిల్లా యునైటెడ్ పాస్టర్స్ ఫెలోషిప్ ద్వారా ఏర్పాటు చేయబడిన పాస్టర్స్ సంక్షేమలో ప్రతీ ఒక్కరు జాయిన్ అవ్వాలని కోరారు. అదే విధముగా డిసెంబర్ 3న జరగబోయే క్లాప్స్ క్రిస్మస్ వేడుక కొరకు అందరూ ప్రార్ధించాలని తెలిపారు. అనంతరం క్లాప్స్ చీఫ్ ఎడ్వయిజర్ Ê కాకినాడ జిల్లా యునైటెడ్ పాస్టర్స్ ఫెలోషిప్ జాయింట్ సెక్రటరీ బిషప్ డా॥సి.బి.ఐ.సుకుమార్ ప్రార్థన ఆశీర్వదంతో కూడిక ముగిసింది. ఈ కార్యక్రమములో హజరయిన దైవజనులకు రెవ.డా॥ఎన్.భాస్కర రావు కానుకలు అందించారు. ఈ సమావేశములో రెవ.టి.కృపావరం, బ్రదర్ తలారి విజయకుమార్, బ్రదర్ జి.రాజరావు, రెవ.డా॥వై.ఆర్.మన్నా తదితర దైవజనులు పాల్గొన్నారు.
