తాజా వార్త
ఘనముగా జరిగిన క్రీస్తు పునరుత్థాన మహోత్సవము
తూర్పు గోదావరి జిల్లా/22 April 2022 క్రిస్మస్ పండుగ కంటే క్రీస్తు పునరుత్థాన పండుగ ఎంతో విశిష్ఠమైనదని, కనుక క్రీస్తు పునరుత్థాన పండుగను ఘనముగా జరపడానికి రాజమండ్రి రూరల్, హుకుంపేటలో 2016వ సం॥లో స్థానిక 17 సంఘాల కలయికతో యునైటెడ్ క్రిస్టియన్ ఫెలోషిప్గా ఏర్పడి క్రీస్తు పునరుత్థాన మహోత్సవము జరుగుతుదని దైవజనులు మనోజ్ పాల్ గారు తెలిపారు. 2022 ఏప్రియల్ 16 శనివారం క్రీస్తు పునరుత్థాన సువార్త ర్యాలీ జరిగింది. ఈ ర్యాలీలో యుసిఎఫ్లో ఉన్న అన్ని సంఘాల వారు పాల్గొన్నారు. 2022 ఆదివారం ఏప్రిల్ 17వ తేది సా॥ 6.30 ని॥లకు క్రీస్తు పునరుత్థాన మహోత్సవము సిలోయం చర్చ్ గ్రౌండ్ నందు ఘనముగా జరిగింది. దైవజనులు రెవ.కె.జోసఫ్ ఎడ్వర్డ్స్ గారు వాక్యసందేశము అందించారు. ఈ కార్యక్రమములో యుసిఎఫ్లో ఉన్న అన్ని సంఘముల దైవజనులు, విశ్వాసులు పాల్గొన్నారు.
