తాజా వార్త
పరిశుద్ధాత్మ కుమ్మరింపుతో జరిగిన పరిశుద్ధాత్మ అగ్ని సదస్సు
తూర్పు గోదావరి జిల్లా/19 March 2022 జీసస్ క్రైస్ట్ వర్షిప్ సెంటర్ వారి ఆధ్వర్యములో 2022 మార్చి 12వ తేది శనివారం ఉ॥ 10 గం॥లకు రాజమండ్రి, తుమ్మలావలో జెసిడబ్ల్యుసి నందు పరిశుద్ధాత్మ అగ్ని సదస్సు పరిశుద్ధాత్మ కుమ్మరింపుతో ఘనముగా జరిగింది. ఈ సదస్సులో జెసిడబ్ల్యూసి వ్యవస్థాపకులు, యేసయ్య దివ్య దర్శనము యూట్యూబ్ ఛానెల్ స్పీకర్, ఉజ్జీవ ప్రసంగికులు, రాజమండ్రి పాస్టర్స్ ఫెలోషిప్ ప్రేయర్ టీమ్మెంబర్, దైవజనులు రెవ.తీడరఘు గారు వాక్య సందేశము అందించారు. అనంతరం శ్రీమతి విజయకుమారి గారు సాక్ష్యము తెలియజేసారు. తదుపరి బ్రదర్ ప్రసాద్ గారు, శ్రీమతి క్రాంతి గార్ల కుమారుడు జాన్బాబు అన్నప్రాసన కార్యక్రమము ఘనముగా జరిగింది. 150 మంది సంఘ సభ్యులకు ప్రేమ విందు ఏర్పాటు చేసారు. అదే రోజు కొండ గుంటూరులో 60 మంది కుష్ఠి రోగులకు భోజన ఏర్పాటు చేసి దేవునిని మహిమపర్చారు.
