తాజా వార్త
ఘనముగా జరిగిన ఈస్టర్ కంటాట
తూర్పు గోదావరి జిల్లా/22 April 2022 చర్చ్ ఆఫ్ షాలోమ్ ఆఫ్ నేతన్యా ఆధ్వర్యములో 2022 ఏప్రియల్ 19వ తేది సాయంత్రం 6 గం॥లకు రాజమండ్రి, ఎ.వి.ఎ.రోడ్లో గల చర్చ్ ఆఫ్ షాలోమ్ ఆఫ్ నెతన్యా గ్రౌండ్స్ నందు గ్లోబల్ క్రిస్టియన్ ఎంపవర్మెంట్ అసోసియేషన్ వారిచే క్రీస్తు ప్రభుని సిలువ, మరణ, పునరుత్థాన నాటిక అద్భుతముగా ప్రదర్శించారు. ఈ కార్యక్రమమునకు కన్వీనర్ బిషప్ ప్రతాప్ సిన్హా కొమానపల్లి గారు ప్రార్ధన పూర్వకముగా ప్రారంభించారు. ఈ నాటిక బ్రదర్ ఐజక్ కిమ్ మరియు వారి బృందం 50 మంది అంతర్జాతీయ కళాకారులచే ప్రభువు కాలం నాటి పరిస్థితులను కళ్ళకు కట్టినట్లుగా భారి సెట్టింగులతో ప్రపంచ ప్రఖ్యాతి గాంచిన ఈస్టర్ నాటికను సంగీత దృశ్య రూపకం అద్భుతముగా ప్రదర్శించారు. ఈ కార్యక్రమములో రాజమండ్రి ఎమ్మెల్యే శ్రీమతి ఆదిరెడ్డి భవాని గారు పాల్గొని శుభములు అందించారు. బిషప్ కె.ప్రతాప్ సిన్హా గారు, శ్రీమతి సునితా సిన్హా గారు, రెవ.డా॥కె.సుధీర్ కుమార్ గారు, రెవ.పి.టాటా విక్టర్ గారు, రెవ.వి.ఎస్.సి.ప్రసాద్ గారు, రెవ.బి.రాజు గారు, రెవ.కరుణాకర్ గారు, రెవ.సుకుమార్ గారు, రెవ.రక్షణానందం గారు, రెవ.పి.ఎమ్.రాజు గారు తదితర దైవజనులు పాల్గొన్నారు.
