తాజా వార్త
అద్భుతముగా జరిగిన క్రైస్తవ సహవాస సువార్త పండుగలు
తూర్పు గోదావరి జిల్లా/22 April 2022 ఎఫ్.హెచ్.ఎల్ & సోషల్ సర్వీస్ సొసైటి ఆధ్వర్యములో 2022 ఏప్రియల్ 12,13,14వ తేదీలలో ప్రతి రోజు ఉ॥ 10 గం॥లకు, సా॥ 6 గం॥లకు తాపేశ్వరం, వల్లూరి భద్రరావు గారి స్థలంలో ఎఫ్.హెచ్.ఎల్ & సోషల్ సర్వీస్ సొసైటీ వారి 30వ క్రైస్తవ సహవాస సువార్త పండుగలు అత్యంత ఘనముగా జరిగాయి. ఈ సభకు కన్వీనర్ రెవ.ఎమ్.రాజు గారు అధ్యక్షత వహించారు. పాస్టర్ అహరోన్ గారు, రెవ.జ్యోతిబాబు గారు, పాస్టర్ ఎర్నెస్ట్ పాల్ గారు, పాస్టర్ రాజకుమార్ గారు వాక్యసందేశములు అందించారు. ఈ సభల ఆహ్వానితులు ఎఫ్.హెచ్.ఎల్ & సోషల్ సర్వీస్ సొసైటీ వ్యవస్థాపకులు, అంతర్జాతీయ ప్రసంగికులు, వైద్య వృత్తి ద్వారా అనేక మంది సువార్త ప్రకటిస్తున్న దైవజనులు రెవ.డా॥బి.ఎస్.మూర్తి గారు సాక్ష్యముతో పాటు క్లుప్త సందేశము అందించారు. అనంతరం మండపేట రూరల్ ఎస్.ఐ. గారిని సన్మానించారు. ఉభయగోదావరి జిల్లాల నుండి వచ్చిన విశ్వాసులకు, సేవకులకు, ప్రతి రోజు ఉచిత భోజన సదుపాయాలు కల్పించారు.
