తాజా వార్త
దైవజనులు ప్రేమరాజుగారికి రోడ్డు ప్రమాదం
తూర్పు గోదావరి జిల్లా/05 February 2022 2022 ఫిబ్రవరి 2వ తేది బుధవారం ప॥గో॥జిల్లా, గుండుగొలనులో యేసు క్రీస్తు ప్రార్ధన మందిరములో జరుగు సభలలో వాక్యపరిచర్య చేయుటకు కృపామయ పరిచర్యల వ్యవస్థాపకులు, యేసుక్రీస్తు పరిశుద్ధ సంఘము సంఘకాపరి దైవజనులు ప్రేమరాజు గారు రాజమండ్రి నుండి రాత్రి 7 గం॥లకు కారులో వెళ్తున్న సమయంలో కొవ్వూరు ` నల్లజర్ల జాతీయ రహదారిపై రోడ్డు ప్రమాదం జరిగింది. ఈ ప్రమాదములో కారు నడుపుచున్న పాస్టర్ డేవిడ్ పాల్ ప్రభువు నందు నిద్రించారు. ప్రక్కన కూర్చున్న దైవజనులు ప్రేమరాజుగారికి తీవ్ర గాయములతో హాస్పటల్లో చికిత్స పొందుచున్నారు. ఈ ప్రమాద వార్త తెలిసిన వెంటనే ప్రముఖ దైవజనులు, సంఘ విశ్వాసులు, స్నేహితులు, బంధువులు వచ్చి పరామర్శించి ప్రార్ధనలు చేసారు. దైవజనులు ప్రేమరాజు గారి ఆరోగ్యము కొరకు, పాస్టర్ డేవిడ్ పాల్ గారి కుటుంబము ఆదరణ కొరకు ప్రార్ధన చేయవలసినదిగా కోరారు.
