నా ప్రాణమా యోహోవాను సన్నుతించుము..... మేలుతో నీ హృదయమును తృప్తిపరుచుచున్నాడు. కీర్తన103:1,5
రెండు సంవత్సరాల క్రితము విపరీతమైన ఇబ్బందులతో నాకున్న వనరులన్నీ తరిగిపోయి, కృంగిపోయాను. 23 సంవత్సరాలు దేవుని సేవిస్తూ విశ్వాసాన్ని ఆయనపై ఉంచాను. ఏనాడూ ఆయన కాపుదలను నేను శంకించలేదు. కాని ఒకానొక నాటికి నా కనీస అవసరాలు కూడ తీరని పరిస్థితి వచ్చింది. బహుగా కృంగిపోయాను.
ఆయన తన సేవకు పిలిచిన రోజును జ్ఞాపకం చేసికొని బలం పొందడానికి ప్రయత్నించాను. దేవుడు తన సువార్తను పంచడానికి ఇంకా నన్ను పిలుస్తున్నాడనే నేను భావిస్తున్నాను. ఒకరోజు రాత్రి చీకటిలో, రోడ్డు మీద నిరుత్సాహంగా భయంతో నడుస్తూవున్నాను. ఎదురుగా సైకిలు మీద ఒక వ్యక్తి రావడం గమనించాను. అతడు నన్ను సమీపిస్తూ ''యేసు నిన్ను ప్రేమిస్తున్నాడు'' అని కేక వేస్తూ తన దారిని తాను వెళ్ళిపోయాడు.
ఎంత చక్కని బహుమానం దేవుడు నాకిచ్చాడు! శూన్యమైనపోయిన నా హృదయాన్ని తన సందేశముతో నింపడానికి దేవుడు ఈ వ్యక్తిని వాడుకున్నాడు. తిరిగి నా హృదయం సంతోషంతో నింపబడింది. దేవునితో మనకు లభించే గొప్ప ప్రేమ, కనికరములను, ఒక పువ్వు యొక్క అందములోను, ఒక చిన్న పిట్ట సంగీతములోను, నేను గుర్తించగలిగాను. దేవుని రాజ్యము కొరకై మనము చేసే సేవను ఆయన గుర్తించి, విలువనిచ్చి మనలను ప్రేమిస్తాడు. ఆ సేవ ఎప్పటికీ నిరర్ధకము కాదు.
ప్రార్ధన : దేవా! కృప సమయాలలో నీవు మాతో మాటలాడి, బలమును అనుగ్రహించే నీ మార్గములను బట్టి నీకు వందనములు. ఆమెన్‌.