తాజా వార్త
సిఐకు బైబిల్ బహుకరణ
వైఎస్ఆర్ జిల్లా/05 February 2022కడప నగరంలో తాలుకా సిఐగా నూతన బాధ్యతలు చేపట్టిన కె.ఉలసయ్యకు 48వ డివిజన్‌ కృపా కాలనీకి చెందిన న్యూనేటివ్‌ కృపా మినిస్ట్రీస్‌ అధ్యక్షులు పాస్టర్‌ పి.మహేష్‌ కుటుంబసమేతముగా సంఘసభ్యులతో కలిసి 2022 జనవరి 30వ తేది ఆదివారం పరిశుద్ధ గ్రంథమును అందించారు. అనంతరం వారి కుటుంబ క్షేమము కొరకు, పోలీస్‌ యంత్రాంగము కొరకు ప్రత్యేక ప్రార్ధనలు చేశారు. పాస్టర్‌ మహేష్‌ మాట్లాడుతూ తాలుకా పోలీస్‌ స్టేషన్‌ పరిధిలోని ప్రజల సమస్యలను సున్నితముగా పరిష్కరించాలని కోరారు. సిఐ కె.ఉలసయ్య మాట్లాడుతూ ప్రార్ధన మందిరాల దగ్గర ఎవరైనా అల్లర్లు సృష్టిస్తే తమ దృష్టికి తీసుకురావాలని వారిపై కఠిన చర్యలు తీసుకుంటామని చెప్పారు. ఈ కార్యక్రమములో సిస్టర్‌ శాంతమ్మ, కుమారులు పి.రవితేజ, శాంతిరాజు, సంఘసభ్యులు పాల్గొన్నారు.
